المساعد الشخصي الرقمي

مشاهدة النسخة كاملة : شخصية البنات من اسمائهم

جــواهــر
06-06-2003, 04:17 PM
السلام عليكم و رحمة الله و بركاته

اسمك يعبر عن شخصيتك

ابتسام : رزينه .. و ثقيله .. و خدومه

بس عقدتها انها شينه ..

أمل : طيبة قلب .. و تفكر ألف مره قبل ماتقرر بشي ..

أحلام : قوية شخصيه .. ذكيه .. خدومه .. و دايم تحلم و تخطط حق المستقبل عندها طموووح ..

أسماء : هاديه و علطوووول ساكته .. و مخلصه .. بس غامضه ..

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها ..

بدور : مثل اسمها حلوه و مزيونه و خجوله .. بس ياويلك منها اذا سويت فيها شي ..

بشرى : تحب تثبت نفسها .. ذكيه .. تحب الناس .. غامضه ..

بدريه : ثقيله و رزينه .. وكتووووووومه .. يعني اذا قلتلها سر .. تطمن سرك في بير.. بس ثقيلة دم ..

بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تفرش خامسينه بالأرض ..

تهاني: خفيفة دم و من خفة دمها أحيان تظن انها مرجوجه .. حذره في تعاملها مع الناس ..

تغريد: طيبه و محبوبه من الجميع .. بس فيها عرق سوداني .. يعني كسلانه ..

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش ..

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع

حصه : قوية شخصيه .. محبوبه .. بس للأسف مالها حظ .. دايم مقروده ..

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل ..

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز ..

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس ..

خديجه : خدوووومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر ...

دلال : حلوه و جذابه .. بس مشكلتها انها ضعيفة شخصيه ..

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل ..

دانه : أهلها يمووووتون فيها .. دلوعه .. و حلوه ولسانها طويل

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ..

روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها

رقيه : مخلصه في شغلها .. ماتحب اللي يلعب بذيله .. متحفظه .. و ماتحب اللعب و اللف و الدوران ...

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ ..

رنا : حلوه .. حنونه .. و تحب الناس .. اجتماعيه .. واجتماعيتها ذي تسبب لها مشاكل ...

رانيا : دلوعه .. ويعتمد عليها .. بس مشكلتها انها ثقيلة دم ..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يااااابس

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها ..

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها ..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ ..

سعاد : شاطره و ذكيه .. بس شرانيه ..

ساره : محبوبه .. ذكيه .. طموحه .. عنيده ..و مزعجه

سلمى : ذكيه .. شخصيتها قويه .. تحب الحريه و التجديد .. لكنها مزعجه

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه ..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. عسكريه

شوق : رقيقه.. و تحب تثبت نفسها .. خواااافه ..

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره ..

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها ..

عزيزه : مخلصه .. رزينه .. ثقيله .. وثقيلة الدم ..

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها ..

فاتن : حلوه .. حبوبه .. ذكيه .. شخصيتها ضعيفه ..

فردوس : ذكيه .. طموحه .. شخصيتها قويه ..

لمياء : محبوبه .. تحب تبني صداقات .. و دلوعه . و ياويله اللي اذا طلبت منه شي و لا جابه لها ..

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها ..

ليلى : شخصيه قويه .. ذكيه .. حبوبه . تحب المزاح .. لكنها مزعجه ..

منيره : واضحه .. ماتحب اللف و الدوران .. صريحه .. و أم حنون .. بس لسانها طويل

منال : هاديه .. و حلوه . ودلوعه .. وواثقه من نفسها .. بس انها مغروره ..

مريم : طيبه و على نياتها .. عاطفيه .. ودلوعه..و ا تحب الناس ..

منى : هاديه .. و رزينه .. ذكيه .. و تحب المظاهر ..

مشاعل : محبوبه .. تحب بناء صداقات .. لكنها غامضه ..

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش ..

نوال : شخصيه قويه .. محبوبه .. و تحب الناس .. مطيعه .. و عنيييييييييده

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي ..

هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش ..

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبييييييه ..

هند : عاطفيه .. ذكيه و شاطره .. اذا حبت شي تحب تمتلكه لحالها .. غيووووره ..

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع ..

وفاء : شاطره و ذكيه .. بس ياويل اللي هي تحط عينها عليه ...

ياسمين : قلبها طيب .. خدومه .. مزيونه .. لكنها متهوره ..

يسرى : شخصيه قويه .. تحب تثبت ذاتها .. و تحب المظاهر ..


منقوووووول


ههههههههه لاحد يزعل الزعل مرفوض (13)
هـجير
06-07-2003, 10:40 AM
<<<<<<<<< محبوبه .. ذكيه .. طموحه .. عنيده ..و مزعجه

وى


وى


اشلون عرفتى جواهر

وربى اللى كتب هاى الموضوع عبقرى هههههههههه

تسلمين جواهر

تحياتووووووو

هجير
Deemaa
06-07-2003, 02:34 PM
السلام عليكم ورحمة الله وبركاته

مشكووووره اختي جواهر على الموضوع

بصراحه نفسسسسس شخصيتي

ويعطيك العافيه


ديمه
طــحــيــمــر
06-07-2003, 03:07 PM
السلام عليكم ورحمة الله وبركاته
الله يعافيك ياجواهر موضوعك خاثرر

جيت اعلم باسم ديمه الحقيقى == بدريه
راجع السطر 11 من اعلى تعرف شخصيتها (2)
<<<< ياقردك قرداه
مجنونه نجدي
06-07-2003, 03:32 PM
لا لا لا كذا ما يصلح

وانا ليش ماتقول اسمي

كذا ظلم ماراح ارضى الين تطلع اسم

وماراح اقولك اسمي

علشان تضيع مضبوط

يالله اذا ذكي طلع اسمي


اتحـــــــــــــــــ ـــــــــداك
جــواهــر
06-07-2003, 06:58 PM
اهلييييين هجير قصدي ساره

تسلمين حبيبتي و مشكوره على مرورك

انا مثلك انهبلت يوم قريتها

لاني اعرف كذا وحده و الوصف مطابق لها مررره

فعلا اللي كتبها عبقري بس موب انا (15)

تحياتي
جــواهــر
06-07-2003, 07:05 PM
هلا ديمه

و عليكم السلام و رحمة الله و بركاته

العفووو حبيبتي و الله يعافيك

مشكوره اختي على مرورك

حتى انا بعد نفس شخصيتي

تحياتي
جــواهــر
06-07-2003, 07:13 PM
اهلين طحيمر

و عليكم السلام و رحمة الله و بركاته

الله يعافيك اخوي و مشكور على مرورك

و بعدين من قال لك ان ديمه اسمها بدريه (21)

تحياتي
جــواهــر
06-07-2003, 07:19 PM
اهلين مجنونة نجدي

مشكوره اختي على مرورك

و الله انا ما ادري انتي زعلانه على مين انا و الا طحيمر

على العموم اذا اسمك مو موجود مو ذنبي

لاني نقلت الموضوع ما ألفته من عندي

تحياتي
الــمــســتــخــفــه
06-07-2003, 07:45 PM
تسلمييييييييييييين جوجو على موضوووووووعتس

بس مافيه امل ينطبق اسمي علي


اجل انا طيبة القلب؟ <<<<<<<<<<< (26)


مشكووووووووووووووووو ره جوجو (1)
فؤاد فارس القبيلة
06-08-2003, 01:45 AM
السلام عليكم ورحمة الله وبركاته..... أخواني وأخواتي وبعد ألحين إختي جواهر هذي عن البنات و الأولاد وش معاااني أسااميهم،،،،،،،،،،، تدرين وشو أنا أقولك؟؟؟؟؟؟؟؟؟؟؟؟؟؟؟ ؟؟؟؟؟؟

خالد : شااااااب مزعج قلبه قوي ويفكر إنه دا يم هو القوي بس المشكلة دايم ((( يأخذ على رأسه)))))


بدر: شاااااب وسيم ،،،،، حلو،،،،، مادري عاد ثقيل دم خفيف دم عاد هو وراحته.....مالنا دخل....


بندر : لانه قريب من إسم بدر فيأخذ نفس الصفات ((( إكراما لهذا الإسم)))))......


محمد: أفضل الأسامي وجوب معروف ليش((( لأنه إسم نبينا عليه الصلاة والسلام))))......... .

فيصل: إنسان فااااهي ما أدري إش يبغى من هذي الحياه...... ((( ومسوي ذيب))))............. ...

هههههههههههههههههه وهذا أسماء الأولاد والدفعه الثانيه جاااايه في الطريق .... أاسف للإزعاج ياااا بنات حوآه و((((((((( أقدم إعتذاااااري لكل من يحمل إسم فيصل ))))))))) بس لأن وااحد بجنبي غااااثني إسمه فيصل..... وشكرا إختي على موضوعك.........((((( (( فؤاد فارس القبيلة))))))....... ..
جــواهــر
06-09-2003, 11:35 AM
اهلين اختي الــمــســتــخــفــه

العفو اختي الله يسلمك

و مشكوره على مرورك

لاتمزحين علينا اكيد ان قلبك طيب (19)
تحياتي
جــواهــر
06-09-2003, 11:49 AM
هلا بفؤاد فارس القبيلة

و عليكم السلام و رحمة الله و بركاته

العفو اخوي و مشكور على مرورك

و الله الى الان ما لقيت الا معاني اسماء البنات

و اذا لقيت اسماء الاولاد ابحطهم لك ان شاء الله

تحياتي
نـــور
06-14-2003, 02:57 AM
تسلمين والله اختي جواهر
والله الى كتبتية طبق الاصل شخصيتي
لكي منى جزيل الشكر
جــواهــر
06-14-2003, 03:35 AM
هلا بالنور كله

العـفـووو حبيبتي الله يسلمك

و مشكوره على مرورك

حتى انا مثلك نفس شخصيتي

تحياتي

اختك

جــواهــر
الأميره ساره
06-21-2003, 08:15 AM
ههههههههه تسلمين والله جو جو على هذى المشاركه بصرااحه يا كثر مافيها منى هههههه..

<-- زى صفاتها بس مزعجه وربى لا..

مشكور مره ثانيه اختى الغاليه .. وتقبلى تحياتى


الاميره ساره...
جــواهــر
06-21-2003, 04:28 PM
هلا و غلا بالاميـــره ســـاره

العـفـووو حبيبتي الله يسلمك

و مشكوووره على مرورك

تحياتي

اختك

جــواهــر
ميــــار
06-25-2003, 10:47 PM
هااااااااااااااااااي قايز

كيفكم ايش اخبااركم ؟؟؟؟

يسلموووو الجوهره على الصفاااات وياليت تكملي بعد شوي

تحيااااتي

مياااار
جــواهــر
06-26-2003, 12:15 AM
اهليييين ميــــار

تمام الحمد لله

مشكوره حبيبتي على مرورك

و الله الآن ما عندي بقيه

و اذا لقيت الباقي على طول ابلطشه لكم (29)

تحياتي

اختك

جــواهــر