أنظروا مـاذا فـعـل هـذا الـولـد والبنت بوالدتهم؟

[gجــــgggدي]

أعزائي مشرفي وأعضاء وضيوف منتدانا منتدى نجدي..الكرام

تحية طيبة

هذه القصيدة المؤثرة التي قالها شاعر يدعى جديع لا أعرف اسمه كاملا ولكن لما لها من أثر أحببت أن انقلها لكم .

أتمنّى أن تعجبكم هذه المشاركة وتقبلوا خالص تحياتي.



تسـمّعـوا للـسـالـفـة مـن عـظـمـها جـفّ الـبـحــر

مـن نفـس هـذا الوقت مـاهي مـن حتكايات الـرواه

جـتني عـجـوزٍ تشـتكـي وتقـول ياجـديع الـقـهـر

حطّم فؤادي واستباح أعضاي وأسرف في بـلاه

قـلـت الـسـبب قـالـت سـبب ماهو سبب موتٍ حـمر

قـلـت أهـرجي قـالت شسولف والعمر مـابه حـلاه

هــدّيـت روع الـمـسـلـمـه اللـي بـلـتني بـالـقـشـر

هـدّيـتها وطـمّـنـتها وذكـرت ربّـي فـي ســمـــاه

ومـن عـقـب مـاجـفّـت دمـوعٍ كـنّها مـجـرى نــهـر

وسكت نـحـيبٍ روّع ظـلـوعي ولا أدري وش وراه

قـالـت بسـولـف وأكــتب اللي بنطقه شـعر ونـثر

عـلّـه يـفـيد اللي بقـولـه مـن سـمـعـه ومـن قـراه

الــلــه لامـــنّـــه أمـــر أمــــرٍ لــــزوم انــه يــمــر

يـأخـذ ويعـطي مـانحـاسب مـن خذاه ومـن عطاه

الأوّلـــه : أخـــذت شــايـب مـن جـمـاعـتـنا جـبـر

أجـهـلـه حتى عن شبابه أجـهـلـه مـع مـن قضاه

الـحـلـو عـشـتـه معه مـرّ والـمـرّ عـشـتـه مع حمر

غـصـبٍ عـلـى أنجـبت مـنه إثـنـين ثـمّ الله خـذاه

الـلـه وهـبـني بـنــت تشـبه لـلـقـمـر نصف الشهر

والـلـه رزقـنـي فـي ولـد كامل مكمّل في حـلاه

الـبـنت أنـا ربّـيـتـهـا لـيـن وصـلت عـشر وعـشر

وأمـا الـولـد يسعى بثمان وأدعيله إن الله يقاه

وش لـك بـطـول السـالـفـة مـلّـيـت ودّك أخـتصـر

قـلـت العـفو قـولي كـلامك لين يوصـل مــنتهاه

قـالـت وهـي تنطـق حـروفٍ كـنّهـا تـأخـذ أمــر

مـن بعضها في بعضها يوقف على حدّ الشفـاه

مـثل مـاقلت البنت في عـشـرين في أحلا عمـر

فتاة مـاأجملها ومـا أحلاها ومـا أغلاها فتـاه

الـوقـت يمـشـي والزمن يطوي سنيني وأنتظر

سـاعـة ألبّسها ثياب الـعـرس وأعطيها الوصاه

الـلـه حـقّـق لي مــنـاي الـحـمـد لـلـه والـشـكـر

جـاهـا عـريـسِ مـقـتـدر زوّجـتهـا وراحـت معاه

ومتن عـقـب مـا أقفت لا سلام ولا كلام ولا خـبر

زرعـت زرعـي في يديني بسّ غيري من جـناه

حــمـلـتهـا رضّـعـتهـا دلّـلـتهـا مــنـذ الـــصـغـر

الـمـرّ أذوقـه لـجـلـهـا مـن شـان تهنا بالحــلاه

مـشّـيـتهـا على الـورود وأنـا على حـرّ الجـمر

وليا شـكـت مـن آه قـلـبـي جـرّ مـعها ألف آه

والـحـين دوري وانتهى مـالي إحترام ولا قدر

عـجـوز أنا في رأيها حـرام أكـمّـل هالحـياه

أن جـيـتـهـا مـتعـنّيه سـمـعـت هـرجٍ مـايسـر

كـنّي مـسوّيه جـريمـه حـيّـرت حـكم الـقـضاه

والـيتا بـغـت نفـسي لزوم صدّت بليّا أي عذر

فـأبـرد لـيـال الـمـربعـانيه تلحّـفـني عـبــاه

أمّـا الـولـد آه يـالـولـد كـبر يالـيـتـه مـاكـبر

نسـف جـمـيـع اللي بنيته مـابـديته هـو نهاه

أخذ جـمـيع اللي أمتلك خلاني في ذلّ الفقر

يـالـيـت منهو يسأله فأمّه يسوّي هالـسـواه

قضّى شبابه في هياته من سفر إلى ســفــر

من دار حسد إلى ديار الفسد لديار الطـــغـاه

عـزّي لـمـن مـثلي نماه عايش ولكن مـايســر

شفايدة تعبي وكدّي وإجتهادي في رضـاه

سكتّ مدري ويش أقول أبي الكلام ولا ظهر

أصـلا كـلامـي مــايـفــيد لا طــيّـبـه ولا رداه

وألـحـيـن عندي كلمتين بقولهن بالمـختصـر

آبــاؤكم أولابـكم يـالـلـي تـحـبّون الـنجــاه

إليا رضـوا الله رضـى وفي حـقّهم ربّي أمــر

فكتاب خـالقنا العـزيـز تنبيه تحـذير ووصـاه

نطيعهم في كـلّ شـيء إلا الظـلالـة والـكفر

مــاهــو تـطــيّـب واجــب ويــلــزمــنــا أداه

وأعلم كما تفعل تدان والشي بالشي انذكر

لابـد مـايـجـزى إبـن آدم مـثـلـمـا تصنع يداه

ياسـامـعـي صـلّـوا على شفيعنا يوم الحشر

عـليه مـنّي أفـضـل التسليم وأزكـاها صلاه