زواج الحاظر

[؟فيلسوف؟]

زواج الحاظر

والرجل مسكين تعب وهو يجمع الريال شهر وشهرين وسنه وسنتين و أخيرا كمل المهر(الي قطع قلبه) راح طاير لبوه كملت المهر.. اليوم نروح نخطب البنت وراحوا يخطبون البنت أعطوهم المهر والمهر تقدير للبنت ماهو تدمير وتعقيد من بعد الملكة الى يوم الزواج ثلاث شهور البنت وختها ومها عاكفين في الاسواق


يقولون.....
طقاقات تبع القصر ما يعرفون غيروهم بيقولون في المنطقة الشرقية أفضل بكثير....صبابات القصر باردين مثل

طقاقاتهم ولا يلبسوا نفس البس لازم.. طاحوا فيها لزم نسويها....كوشة مالئة القاعة... (بتسوا غابه ) .... ورود على

كل طاوله ..... والمسكة وحدة لتصوير .....وحدة لزفه.....نبي شاعر يكتب في البنت ويلقيها ....وطاولات الحضور

نبيها سكري نفس لون فستان العروس....نبي مصورة فوتوغرافي.....ومصورة فيديو..



ومن الظهر الى الساعه ثنتين هي واختها وامها يبكوا يودعون شمعت البيت
والمعازيم على المسرح .يرقصوا...عاشوا....و راء....ايوه



وهذه التكلفة كلها عشان يقولوا عرسهم مره حلوووووو........

لاهم إلى فرحوا بالعرس... ولا كلوا من البوفيه.... ولا تقهوو ....ألا يبكوا كنهم في عزاء
وعلمنا من مسؤول المالي أن الزواج كلف 50000 آلف رموها في سلت المهملات....أحرقها في يوم
فسوف يسئل عن ماله فيما أنفقه
لو خلوا شهر العسل شهرين او كفلوا يتيم أو ساعدوا شاب على الزواج

[نــــوري]

وربي يافيلسوف اني كل ماقلت لأحد انو انشالله انا لما اتزوج مانيب مسويه لاعرس ولا هم يحزنون يقولون لي انتي من اي قرن جايه ووش هالخرابيط اللي تقولينها ؟؟
انا اقول
ليه اونس الناس على حساب زوجي واكسر ظهره من بداية الزواج وليه اكسب ذنوب كل من سمع اغاني بعرسي او حش كل من هب ودب لا والمشكله انو لابد يحشون حتى لوكان العرس جنان ولازم تنقال كلمـــــه بـــــــــــس بيقولون العرس حلو بــــــــــــس كان ناقص كذا وكذا ولو ماسوو كذا كان ازين وووو ..الخ
يوووووه ليه انااتحمل شي ماني مجبوه عليه
المشكله خوياتي يقولون انتي ماعندك احساس ورح تندمي بعد ماتتزوجي وتقولي ياريت وياريت
بس انا مااتوقع اني بندم لاني مقتنعه بالحيــــــل بوجهة نظري ومااعتقد انو فيها عيب ..

[؟فيلسوف؟]

لا تعليق كفيتي وفيتي

هنا تبين قوتك الشخصيه يا روعه بعزمتك تقدري تسوي الي تبينه

ياليت ياروعه تكتبي انتي المقاله وانا اسحب الموضوع عن الزواج لنك اقرب مني انا والله ازعجت امي عشان تعلمني بعض الحركات الي يسونها
وانتي ميدتني شي جميل لوتكتبيه

وتقولينا الحركات والصيحات والاستيك كمان o.k

[نـــــواف]

اهلـــــــــــــــــ ـين اخوي فيلسوف كلامك ميه ميه وانا هم عندي بعض التعليق عليه

عندما يرتبط انسان مع شريكه حياته معنى هذا انه خلاص بيكونون شي واحد وفي بيت واحد ...........الــخ
ســــــــــؤالي هو ليش نعقد حياة الزوج من البديايه ؟؟؟!!!!! ليش يتحمل في سبه هالزواج ديوووون وتكاليف مالها داعي ؟؟!!!
ليش نترك الزووج يبدأ حياته من السالب (يعني تحت الصفر) ومع هذا كله الزووووجه تبي من زوجها الكثير؟؟

بـــعدين حاب اقول شي البنت ما تشترى بالمال لانها غاليه اغـــلى من كل شي علشان كذا المهر ما يعتبر مؤشــــــر لتحديد قيمه البنت

يعطيك الف عافيه اخوي والكلام بهالموضوع يطوووووووول

[روابـي نجد]

رووعه انا معااك بكلامك وان شاء الله هذا اللي أنا نااويه أسوويه ماراح اطالبه باأكثر من شقه فقط والمهرر يحدده هو والزواج ماأبيه بس عشاء عائلي وياخذني ونرووح لأن زواج تيسير وليس تعسير وهذا رأي ابوي بعد..

وشااكره لك فيلسووف من جد موضوع رائع ومهم جداً النقااش فيه..

لك مني اعذب وارق تحيه

روابي نجد

[عاشقة نجد***]

كيفك اخوي فيلسوف


كلامك بمحله وانا معك بس الشاب اللي يحب شريكة حياته المفروض ما يرفض لها طلب



مع خالص شكري

عاشقة نجد ***

[؟فيلسوف؟]

نواف شكراً لك على المرور

واشكرك مرتن اخرى على التفاعل الجميل

كن بخير

[نــــوري]

لوكنت بكتب الموضوع واقول لك اخر الصيحات اكيـــــــــــد بيشيب راسك
صدقني بتنقهر
احيانا لما اكون حاضره بعرس اجلس ادعي انو ربي مايخسف فينا واطلع بدري لانو بجد يكون العرس كله بذخ مالو داعي وطقاقات يشيلون الصاله شيل والحريم هاتك يارقص كأنهم ببيوتهم مربطين وانهدوا بالعرس ياربي لك الحمد..
وهذي نقطه فبحر صيحات وهبال الاعراس ..

[؟فيلسوف؟]

روعة و روابي نجد و عاشقة نجد كلهم
يسعدني ان توقعوا بمروركم الجميل في صفحتي

جميل ان تكون مبادرتكم بتئيدي للموضوع
ان كنت خائف من الرفض منكم

كونوا بخير

[نــــوري]

احنا ابد مانرفض الحقيقه مع انها مــــرّه بأغلب الاوقات اتشكرك مره ثانيه فيلسوف امتعتنا وانتظر المزيد
وحط فبالك اننا كلنا متأملين مواضيع رائعه من شخص مبدع مثلك ..

[المهمة]

تحيه طيبه
هذا اول مشاركة لي في منتديات نجدي والله اعجبني موضوعك اخوي فيلسوف وحبيت اشارك فيه
والله المظاهر طغت على كل شي وكل وحده تقول ابي زواجي احلى من زواج فلانه ماابي اكون اقل منها
مع ان كل وحده لها ظروفها
هذا كله عشان يرضون الناس مع ان الناس مايرضيهم شي
رضى الناس غايه لا تدرك............

[؟فيلسوف؟]

المهمة الله يحيك في منتدى نجدي
ويسعدني ان تكون اول مشاركتك في هذه الصفحة

ياليت كل اسره تعرف مقاسة وامكانياتها عند الزواج

كوني بخير............؟فيل سوف؟

[مـــــحـــــمــــــد]

كلكم وين عايشين ؟

هذي الليله اسمها ليلة العمر يعني لازم احييها بكل شيء حلو

وحتى الرسول صلى الله عليه وسلم موصي بليلة الزواج والفرح فيها ودق الطبول في ذي الليله

مو أروح في جو هادي وعادي كني سارق المره

اعرسوا وافرحوا

والفلوس بيعوضها الله

[؟فيلسوف؟]

ماهي قصت فلوس أخوي محمد القضيه أكبر واعضم القضيه أسراف تبذير القضيه يتحمل ديون
لاتكلف على نفسك اعمل المعقول
ولا أريد ان اخبرك ادع النساء يخبرونك يا أيتها النساء أخبروه ماذا يحصل في الزفات من المبالغه

[مـــــحـــــمــــــد]

يا اخي وربي اني عارف كل شيء وعارف انه اقل زواج بيكلف دية رجال يعني 120 الف ريال لكن ما عليها اهم شيء اني افرح في احلى ليله في العمر واحييها

[؟فيلسوف؟]

محمد الفرح ليس مقصور على أن تسرف وتبذر
معناه أكبر من الي أنت متصورة
لابد ان تفعل الذي يوفقك في زواجك
بعض العائلات أسرفو ملايين
ومن بكرة رجعت لبيت ابوها

كن بخير.......؟فيلسوف؟

[الورود الحمراء]

الله يساعد الرجال المسكين

[؟فيلسوف؟]

الورود الحمراء...
أنشا لله الله يساعدهم أذا أنتم ساعدتوهم في المعقول وبعيد عن التبذيرفي الزواجات

دمتي أجمل....؟فيلسوف؟