اتحاد منصور وهلال بندر

[حبيـب العمر]

تشهد الساحه الرياضيه صراع من نوع خاص بين الانديه الكبرى خاصة الهلال والاتحاد والاهلي

الاتحاد دفع الملايين في سبيل تدعيم الفريق الاول بلاعبين دوليين فتم شراء سعود كريري وسعيد الودعاني من القادسيه وتم استعارة رضا تكر من الشباب وشراء اللاعب عبدالله الواكد من الشباب والسنه الماضيه اللاعب حمد العيسى من الاتفاق ومسفر القحطاني من الشباب واللاعب ابوربع من الوطني

في الجانب الاخراستعان الهلال بخدمات عبدالله الشيحان من الشباب(اعاره)واللاعب سعد الدوسري من الاهلي ومن قبلهم اللاعب عبدالعزيز الخثران من الشباب واللاعب احمدالصويلح من الفتح واللاعب محمد العنبر من السد
واللاعب احمد الجري من الفتح والحارس عبدالله الغامدي من النخيل واللاعب الكلثم

نلاحظ من الاسماء ان الاتحاد توفق في اختيار اسماء كبيره ومقابل مادي اكبر ولم تتم الاستفاده الا من لاعبين وهم رضا تكر وحمد ابو ربع(الاولمبي)حيث ان اغلب اللاعبين اللذين تمت الاستعانه بهم على دكة الاحتياط

في المقابل نرى ان الهلال استفاد من معظم اللاعبين اذا استثنينا الشيحان والدوسري مقابل مبالغ قليله جدا مقارنه بمبالغ لاعبين نادي الاتحادوهذ ا تخطيط من المشرف على المدرسه الهلاليه الامير بندربن محمدبجلب لاعبين صغار في السن ونرى مايجنيه الهلال من خلال فريقه الاولمبي

هذا يذكرنا بما يحدث بين ريال مدريد الاسباني ومانشستر يونايتد الانجليزي
ريال مدريد استعان بيبكهام مقابل مايقارب4500000 دولار
ومانشستر استعان بالبرتغالي كيرستيان رونالدو والاعب البرازيلي كليبرسون وهذان الاعبان بشهادة النقاد صفقه ناجحه للنادي النجليزي علما بان اللاعبين صغار في السن

في النهايه هل تفوقت سياسة منصور البلوي الريال مدريديه
اوتفوقت سياسة الامير بندر بن محمد المانشستريه

واسف للاطاله
اخوكم

حبيب العمر

[a b c]

يعطيك العافية اخوي العمري على الموضوع
انا بصراحة ماني من متابعين الدوري السعودي دائماً بس عندي تعليق
يعني يمكن صارلنا مطبقين الاحتراف اكثر من سبع سنوات والى الان ماتعلمنا مبادىء ومعنى الكلمة هذي
ابسط شي انك تختار اللاعب اللي تحتاجه مو تجيب اي لاعب وخلاص
يعني عندك البلوي كثر من صفقات اللاعبين اللي مايحتاجهم وشوف بعضهم على الدكة وصار النادي عبارة عن تجميع لعيبة من اندية ثانية وماادري اش مصير درجة الاشبال والناشئين
انت ضربت مثل لاعب مانشستر رونالدو البرتغالي
شوف اللاعب نجح مع ناديه لان النادي فعلا كان محتاجله
لكن شوف من جهة ثانية ريفالدو لما راح ل اي سي ميلان فشل وبقوة
طبعا هو من اخر موسم مع برشلونة كان مستواه نازل لكن لما راح ميلان الظاهر مادقها معاهم الا شوط مو اكثر
طبعا لان النادي مايحتاجه وفي افضل منه كثير موجودين بالنادي مثل سيدورف وسيرجينيو وروي كوستا
معليش بطول عليك شوي وبتفلسف لكن شوف ريال مدريد لما استغنى عن مكاليلي لتشيلسي طبعا وسط ودفاع الريال راح فيها لان مكاليلي كان ماسك المنطقتين وبنجاح , يعني مو افضل لو استغنوا عن فيجو اللي مهم مستفيدين منه ابدا وفيه احسن منه بالفريق ؟
انا اشوف ان فرقنا وحتى بعض الفرق اللي برا لازالت تاخذ باسم اللاعب وماتشوف مستواه .
مشكلتنا مو بس باللعيبة عندنا مشاكل اكبر وهي سوء التخطيط وعدم تطبيق الاحتراف على اصوله
يااخي شوف احتراف اوربا
يفرضون على اللاعب وجبات معينة وبكميات معينة
لازم ينام بساعة محددة مايتعداها ابدا
طبعا التمارين على فترتين واهم شي فترة الصباح ولاتنسى تمارين تقوية الاجسام اللي نعاني منها هنا
مايسافر برا المدينة اللي هو فيها الا من بعد اذن الادارة
حتى يحددوله عدد المرات المسموح للاعب بمجامعة زوجته بالاسبوع
وطبعا كل هذا للمحافظة على لياقة اللاعب ومستواه وصحته البدنية
شوف حبايبنا اللعيبة اللي هنا
يرجال مو بس دخان حتى الشيش يدخنون
وطبعا سهر وسفر وكباين ( البعض طبعا )

تحياتي لك اخوي واسف على الاطالة

[حبيـب العمر]

يعطيك العافيه اخوي على مشاركتك المفيده

لكن انت قلت ان المهم تاخذ اللاعب اللي تحتاجه وهذ يتنافي مع السياسه الاتحاديه

الاتحاد ياخذ اللاعب اللي يحتاجه غيره بسبب ان غير مايستفيد باضرب لك مثل على صفقتين
الاولى صفقة كريري يعني الاتحاد عنده العويران محمد نور والواكد يعني مايحتاجه والاهلي كان بامس الحاجه له لكن سياسة التخريب منعت الصفقه

الثانيه صفقة ياسر القحطاني (اذا تمت) الاتحاد عنده اليامي وحمزه وجنتل وديمبا ومحمد امين لكن سياسة التخريب مستمره لان الاهلي اول من فاوض اللاعب قبل شهرين


وبس حبيت اذكركم قبل عدة سنوات قرينا في جريدة الرياضيه خبر عن ان الاتحاد ينوي رصد عشرات الملايين لشراء لاعبين نادي الهلال

ومره ثانيه اشكرك على ارائك اللي تحتاج لندوات لكن من يقدر

اخوكم
حبيب العمر